Публикуем молитву, которую благословил читать епископ Верейский Пантелеимон сотрудникам детских домов и добровольцам, которые помогают в детских учреждениях ⬇
Господи Боже наш! Спаси, сохрани и помилуй отроков, отроковиц и младенцев сих, их же поручил еси попечению нас, грешных.
Просвети их светом благодати Твоея, да знают Тя, истиннаго Бога и Отца нашего Небеснаго и да славят Тя вкупе со Единородным Твоим Сыном и Пресвятым Духом. Настави их в любви и вере, утеши плачущия, вразуми неразумныя, исцели болящия, укрепи немощствующия, некрещеныя святаго Крещения сподоби. Аще и что и согрешили по неразумию и по наущению злых людей, не вмени им, но уврачуй душевные раны их. Даждь им поприще жизни сея достойно прейти, посли им ангелы Твоя хранители; посли им наставники добрыя. Огради их от всякаго зла и соблазнов века сего. Украси их целомудрием и благочестием и научи творити волю Твою.
Помяни, Господи, и родители их: усопшим даруй прощение грехов и упокоение, живых помилуй и на путь спасения направи.
Даруй нам любити отроков, отроковиц и младенцев сих, якоже Ты Сам возлюбил еси их. Даруй нам терпение, разум и сердце милующее.
Господи! Ты еси Отец сирых, Защитник убогих и всякаго блага Податель. Мы же вси чада Твоя есмы. Помози нам, вси бо милости от Тебе и спасения чаем. Не отврати лица Твоего от нас и помилуй нас молитвами Пречистыя Владычицы Нашея Богородицы, святителя Иоанна Шанхайского, святаго благоверного царевича Димитрия, святых мучениц отроковиц Веры, Надежды, Любове и матери их Софии, преподобного отца нашего Серафима Саровского,…(зде поминай святых, ихже хощеши) и всех святых. Аминь.
⏬ Вы также можете скачать текст молитвы себе на телефон
